आक्रोसित हुँदै आरजु राणाले भनिन् – मेरो लगायत सवै सांसदको सम्पति छानविन होस्

काठमाडौं– कांग्रेस सभापति शेरबहादुर देउवाकी पत्नी आरजू राणा देउवाले अहिलेसम्म भएका सबै सांसदको सम्पति विवरण सार्वजनिक गर्न चुनौती दिएकी छन् ।

आज संसदमा आक्रोसित रुपमा प्रस्तुत हुँदै उनले आफूलाई भ्रष्टाचारका मुद्दामा जोडेर प्रचार गरिएकोमा आपत्ति जनाइन । उनलाई पम्फादेवी भन्दै स्वतन्त्र सांसद अमरेशकुमार सिंहले पम्फादेवीहरु भ्रष्टाचारमा संलग्न भएको आरोप लगाएका थिए ।
राणाले आफू लैगिक विभेदमा परेको र राजनीतिमा सक्रिय रहेको पुरुषहरुले देख्न नसकेको पनि बताइन । नारीले आफ्नो हैसियतमा राजनीति गर्दा पुरुषहरुलाई सैह्य नभएको उनको टिप्पणी छ ।

आफ्नो श्रीमान ६ चोटि प्रधानमन्त्री बनेको र आफूहरुको सम्पत्तिको सबै विवरण सरकारसँग रहेको राणाले बताइन । उनले अहिलेसम्म बनेका सबै सांसदहरुको सम्पत्ति विवरण सार्वजनिक गर्न पनि चुनौति दिइन् ।