काठमाडौं – मन्त्रिपरिषद्को गठनवारे छलफल गर्न एमाले अध्यक्ष केपी शर्मा ओली र कांग्रेस सभापति शेरबहादुर देउवाबीच बूढानीलकण्ठस्थित देउवा निवासमा छलफल भएको छ ।
प्रधानमन्त्री प्रचण्डले यही २७ गते संसदमा विश्वासको मत लिंदैछन् । उनले विश्वासको मत नपाउनने निश्चित छ । त्यसपछि राष्ट्रपति रामचन्द्र पौडेलले धारा ७६ को उपधारा २ अनुसार सरकार निर्माणको आव्हान गर्नेछन् ।
दुई पार्टीको सहमति अनुसार, त्यसपछि केपी शर्मा ओलीको नेतृत्वमा सरकार बन्नेछ । सरकारमा सहभागि गराउन मन्त्रीहरु छनौटको मापदण्ड, मन्त्रालयको भागबण्डा र मन्त्रीहरुको संख्या टुंगो लगाउन बैठक भएको हो ।
श्रोतका अनुसार, मन्त्रालयको संख्या र बिभाजन करिवकरिव टुंगो लागेको छ । तर मन्त्रीहरुको भने टुंगो लाग्न वाँकी छ । एमाले र कांग्रेसले आ आफ्नै मापदण्ड बनाएर मन्त्रीहरुको छनौट गर्दैछन् ।
बैठकमा ओलीसहित महासचिव शंकर पोखरेल, बिष्णुप्रसाद पौडेल, प्रदीप ज्ञवाली छन् भने देउवासहित रमेश लेखक सहभागि छन् । मन्त्रीहरुको चयनसँगै गठवन्धनको अगामी रणनीतिवारे समेत छलफल भएको छ ।
दुई पार्टीबाहेक सरकारमा कुन कुन राजनीतिक दललाई सहभागी गराउने भन्ने लगायतका विषयमा छलफल भएको छ । राप्रपाले गठवन्धनलाई समर्थन गरेपनि दुवैपार्टी उसलाई सरकारमा सहभागि गराउन भने अनिच्छुक देखिएका छन् ।
प्रतिक्रिया