रूकुम । रुकुम पश्चिममा गाडीको ठक्करबाट आमाछोरीको मृत्यु भएको छ। आइतबार बिहान सानीभेरी गाउँपालिका-८ एकान्तस्थित मध्यपहाडी सडकखण्डमा भे.१ ज १४८२ नम्बरको माइक्रोबसले ठक्कर दिँदा आमाछोरीको मृत्यु भएको हो ।
मृत्यु हुनेमा गुल्मीको रुरुक्षेत्र गाउँपालिका-४ बलेटक्चाकाकी २६ वर्षीया स्वस्तिका पौडेल र उनकी २ वर्षीया छोरी शान्दिका छिन्। उनीहरू क.प्र.०२००१ ख १०७० नम्बरको गाडीबाट पिसाब फेर्न निस्किँदै गर्दा माइक्रोले ठक्कर दिएको हो । प्रहरीले गाडी र चालक सानीभेरी गाउँपालिका– ३ चौखेका २२ वर्षीय अम्मर विकलाई पक्राउ गरेको छ।
प्रतिक्रिया