काठमाडौं – देशभर कालोपत्रे सडकको लम्बाई १७ हजार ४८० किलोमिटर पुगेको छ । चालु आर्थिक वर्ष २०७९÷८० को फागुनसम्म २४८ किलोमिटर कालोपत्रे थप भएपछि कुल लम्बाई १७ हजार ४८० किलोमिटर पुगेको हो । आर्थिक सर्वेक्षणले यो देखाएको छ ।
२०७८÷७९ सम्म कालोपत्रे सडकको लम्बाइ १७ हजार २३२ किलोमिटर थियो । नेपालमा ग्राभेल सडकको लम्बाइ ७ हजार ९५६ किलोमिटर र ८ हजार ६६४ किलोमिटर सडक कच्ची छ ।
यसअनुसार देशभर सडकको लम्बाइ ३४ हजार १ सय किलोमिटर पुगेको छ । गत असारसम्म कुल सडकको लम्बाइ ३३ हजार ९९६ रहेको थियो ।
प्रतिक्रिया