ट्युनिसियाको सिनेगोग नजिक भएको गोलीकाण्डमा मृत्यु हुनेको संख्या ६ पुग्यो

ट्युनिस । दक्षिणी ट्युनिसियाको जेर्बा टापुमा रहेको ला घ्रिबा सिनेगोग नजिक मङ्गलबार राति भएको गोलीकाण्डमा आक्रमणकारीसहित छ जनाको मृत्यु भएको ट्युनिसियाली विदेश मन्त्रालयले बुधबार जनाएको छ । “पीडितहरू मध्ये तीनजना नेशनल गार्डका एजेन्ट, दुई नागरिक र एक फ्रान्सेली र अर्को ट्युनिसियाली–फ्रान्सेली नागरिक रहेको मन्त्रालयले विज्ञप्ति मार्फत जनाएको छ ।

घटनाबारे अनुसन्धान भइरहेको छ । मन्त्रालयले भनेको छ– “निर्दोष मानिसहरूमाथिको यो आक्रमणले देशको एकता र सबै प्रकारका अपराधहरू विरुद्ध अथक प्रतिरोध जारी राख्ने र यसका पछाडि भएकाहरूलाई पराजित गर्ने दृढ संकल्प गरेको छ । “मङ्गलबार राति नेशनल गार्डसँग सम्बद्ध एक गार्डले सभाघर नजिकै तैनाथ सुरक्षा कर्मचारीहरूमाथि गोली चलाउँदा दुई आगन्तुक र अन्य सुरक्षा अधिकारीहरू मारिएका थिए ।

सुरक्षा अधिकारी र सर्वसाधारण सहित कैयौं घाइते भएकाहरूको उपचार भइरहेको छ ।