काठमाडौँ, माघ १२५ । नेपाल पुलिस क्लबले लगातार सातौँ जित निकाल्दै जारी प्रधानमन्त्री कप एकदिवसीय क्रिकेट प्रतियोगिताको फाइनलमा पुगेको छ।
मूलपानी क्रिकेट मैदानमा गण्डकी प्रदेशलाई ६ विकेटले हराउँदै पुलिसले फाइनलमा स्थान पक्का गरेको हो।
जितको लागि १७१ रनको मध्यम विजयी लक्ष्य पछ्याएको नेपाल पुलिस क्लबले २४।२ ओभरमा ४ विकेट गुमाउँदै पूरा गर्यो।
पुलिसको जितमा दीलिप नाथले ५७ रन बनाउँदा कुशल भुर्तेल २२ रनमा आउट भए। अर्जुन साउद ४४ र आरिफ शेख २७ रनमा नट आउट रहे।
बलिङतर्फ गण्डकीका सन्दीप पराजुलीले २ विकेट लिए। विपिन खत्री र कमल परियारले १(१ विकेट लिए।
त्यसअघि टस हारेर पहिला ब्याटिङको निम्तो पाएको गण्डकीले ३८।३ ओभरमा १७० रन मात्र बनाउन सक्यो। गण्डकीका अमृत गुरुङले सर्वाधिक ५० रन बनाए।
बलिङतर्फ पुलिसका तीव्र गतिका बलर राशिद खानले ५ विकेट लिए। ललित राजवंशी र करण केसीले समान २–२ विकेट लिए। दीपेन्द्रसिंह ऐरीले १ विकेट लिए।
जारी लिगमा अपराजित रहेको पुलिस ७ खेलमा १४ अंकका साथ शीर्षस्थानमा छ। १० टोली सहभागी प्रतियोगिताको शीर्ष दुई टोली फाइनल खेल्नेछन्।यो सँगै पुलिस दुई खेल अघिनै फाइनलमा पुग्ने पहिलो टिम बनेको छ।
प्रतिक्रिया