पाकिस्तानको ब्रोड पिक हिमालमा गएको हिमपहिरोमा ज्यान गुमाएका आरोहीमध्ये विश्व कीर्तिमानी नेपाली पर्वतारोही निर्मल पुर्जा (निम्स दाई) सहित चार आरोहीको शव आधार शिविरमा ल्याइएको छ ।
प्रतिनिधिसभा सदस्य मिङ्माडेभिड शेर्पाका अनुसार निर्मल पुर्जा, जोङ वाङ, निमा शेर्पा र किलु शेर्पाको शव उद्धार टोलीले संकलन गरी आधार शिविरमा ल्याएको हो । शव संकलनको नेतृत्व अनुभवी आरोही मिङ्मा जीले गरेका थिए ।
सांसद शेर्पाले प्रतिकूल मौसम र जटिल भूगोलका बीच जोखिम मोलेर उद्धार कार्य सम्पन्न गर्ने टोलीप्रति आभार व्यक्त गरेका छन् । उनका अनुसार हिमपहिरोमा ज्यान गुमाएका अन्य तीन आरोहीको शव भने अझै फेला पर्न सकेको छैन ।
गत शुक्रबार ब्रोड पिक आरोहणका क्रममा आएको भीषण हिमपहिरोमा निर्मल पुर्जासहित ६ नेपाली र ४ विदेशी गरी कुल १० जना आरोहीको मृत्यु भएको थियो । बाँकी शवको खोजी तथा उद्धार कार्य जारी रहेको जनाइएको छ ।
प्रतिक्रिया