काठमाडौं– विस्तृत शान्ति सम्झौता विपरीतका गतिविधिविरुद्ध एकजुट भइ सामना गर्ने निर्णय गरेका आठ माओवादी घटकले आज संयुक्त पत्रकार सम्मेलन गर्दैछन् ।
नेकपा माओवादी केन्द्रका पार्टी कार्यालय सचिव श्रीराम ढकालले दिउँसो २ बजे प्रज्ञा भवन कमलादीमा पत्रकार सम्मेलन आयोजना गरिने जानकारी दिएका हुन् ।
द्वन्द्वकालीन घटनाको मुद्दामा प्रधानमन्त्री एव माओवादी केन्द्रका अध्यक्ष पुष्पकमल दाहाल प्रचण्डविरुद्ध सर्वोच्च अदालतमा रिट दायर भएपछि यी घटक नजिकिएका हुन् । उनीहरुको फागुन २६ गते बसेको बैठकले २८ गते संयुक्त पत्रकार सम्मेलन र ३० गते अन्तक्र्रिया गर्ने निर्णय गरेको थियो ।
नेकपा क्रान्तिकारी माओवादीका नेता सीपी गजुरेलका अनुसार द्वन्द्वकालीन घटनासँग सम्बन्धित मुद्दा नियमित अदालतबाट नभई सत्य निरुपण तथा मेलमिलाप आयोग र बेपत्ता छानबिन आयोगबाट टुंगो लगाउनुपर्छ भनेर पत्रकार सम्मेलन गर्न लागिएको हो ।
प्रतिक्रिया